Leveld Teaterlag

Fem fulle hus for Blå Himmel Grønn Skog

Embrik Luksengard — Tue, 17 Mar 2009 20:40:57 +0000

Ensemblet har spelt fem forestillingar i Ål kulturhus. Til saman har mellom 350 og 400 personar sett denne oppsetjinga til Leveld Teaterlag.

Etter premieren laurdag 14. mars, var det tid for meir finpuss for aktørane. Sundagen vart nytta saman med teatersjef for Brageteatret, Terje Harviksen. Der fekk utøvarane tips frå ein fagperson som såg stykket frå utsida.

Dagen etter, måndag 16. mars, var det to skuleforestillingar på dagtid. 9.- og 10. klasse ved Ål ungdomsskule kom til kulturhuset og såg stykket. På kvelden var det open forestilling.

Og tysdag kveld vart Blå Himmel Grønn Skog avslutta for fullt hus. No kan skodespelarane kvile ut og lade opp til DUS-festivalen i Drammen 28. og 29. mars. Der skal Leveld Teaterlag syne stykket sundag.

Skal spele på Union Scene i Drammen

Embrik Luksengard — Tue, 17 Mar 2009 19:03:18 +0000

Etter at stykket er vist i Hallingdal, skal gjengen til Union Scene i Drammen med forestillinga.

Det skjer helga 28.-29. mars.

DUS (Den Unge Scene) vart oppretta i 2003 for å heve nivået på ungdomsteater i Norge.

Dei tilrettelegg tekstar som ungdomsteater set opp lokalt.

Teatergruppene møtest til teaterfestival regionalt og nasjonalt ved Det Norske Teatret. Det er den regionale samlinga som er lagt til Union Scene i Drammen.

DUS går ut på at ungdom i alderen 13 til 19 år framfører tekstar spesialskrivne for ungdom. 35 ungdomsgrupper fordelt over heile landet lagar framsyningar av tekstane.

Flott premiere i kulturhuset

Embrik Luksengard — Fri, 13 Mar 2009 22:38:32 +0000

Leveld Teaterlag hadde premiere på forestillinga i Ål kulturhus laurdag 14. mars. Publikum fylde salen på intimscenen og fekk oppleve eit sterkt stykke, presentert på ein glimrande måte av unge, dyktige skodespelarar.Leveld Teaterlag har denne gongen vald eit stykke av Bjørn Lisether Teigen som handlar om eit så vanskeleg tema som ungom og sjølvmord.Blå Himmel Grønn Skog er ei enkel og varm forteljing om det uforståelege i at somme vel å gjera slutt på livet: Den siste gongen venene snakka med Ine var på fredag. Då dei ikkje såg henne i skulegarden måndagen etter, trudde dei ho var sjuk.Så fortalde rektor det. Ine var funnen drukna i elva. Ho hadde på seg kjole og det kjedet dei hadde gitt henne til bursdagen, men ingen sko. Fem vener står ved grava fylt av minne, skuldkjensle, sakn og spørsmålet: Kvifor gjorde ho det? Ho som var så glad i å synge, og som alltid smilte. Ho som sprang 60 meteren på 7.7 og som gutane var forelska i?Dei sju på scenen gjorde alle ein fantastisk innsats. Dei framstilte alle truverdige personar i rollene. Stykket er vart og intenst på same tid. Publikum vart gripen av både historia og prestasjonane på scenen. Etterpå mangla det ikkje på godord frå publikum. Mange kom bort til aktørane og takka for den flotte opplevinga.Ein rørt leiar i Leveld Teaterlag, Per Egil Kolsrud, delte ut roser til ensemblet. Etterpå tok regissør Eldgrim H. Springgard med seg gjengen i garderoben og tok bølgen!Blå Himmel Grønn Skog vart også spelt måndag 16. og tysdag 17. mars.

Unge, dyktige skodespelarar

Embrik Luksengard — Fri, 13 Mar 2009 21:35:58 +0000

Nokre av dei har vore med på oppsetjingar i Leveld Teaterlag før. Andre er debutantar. Dei gjer ein sterk innsats i å tolke dei ulike rollefigurane:
Ine: Ida Østvold Sveinhaug
Maria: Margit Myhr
Ane: Silje Risdal Liahagen
Liv: Signe Fuglesteg Luksengard
Frank: Eirik Thon
Romeo: Vetle Springgard
Svart jente med lys: Marianne Øygard

Lys/lyd: Eirik Fuglesteg Luksengard
Lysdesign: Sture Moslåtten
Lydkulissar: Tor Magne Hallibakken
Kulisser: Lars Bergaplass
Sminke: Heidi Kvalvågnes
Foto: Embrik Luksengard
Program: Wenke Kolstad
Produksjon: Styret i Leveld Teaterlag

Samarbeider med LEVE

Embrik Luksengard — Fri, 13 Mar 2009 21:34:15 +0000

Menneske med sjølvmordstankar strevar ofte med å takle ein livssituasjon som av ulike grunnar kan virke svært vanskeleg og ikkje til å halde ut.

Årleg tek meir enn 500 personar sitt eige liv i Norge. Det er langt fleire enn dei som døyr i trafikkulykker. Svært mange prøver kvart år å ta sitt eige liv. Endå fleire slit med alvorlege sjølvmordstankar.

Treng du ein å snakke med i ein akutt krisesituasjon? Då må du kontakte legevakt eller fastlege, du kan ringe Kirkens SOS på 815 33 300, eller Mental Helse på 810 30 030.

LEVE er ei landsforening for etterlatne ved sjølvmord.

LEVE tilbyr dei etterlatne omsorg, støtte og informasjon. For mange av dei som lever att etter eit sjølvmord, kan møte med andre i same situasjon vere til god hjelp.

Meir informasjon om LEVE finn du på www.leve.no

LEVE har lokallag i Hallingdal.
Ynskjer du meir informasjon om LEVE, ta kontakt med
Bente Sletten tlf. 958 23 129 eller Siw-Anita Tragethon tlf. 901 13 937.

Regissøren har ordet

Eldgrim H. Springgard — Fri, 13 Mar 2009 21:32:37 +0000

Gjennom arbeidet med Blå Himmel Grønn Skog har eg fått møte ein gjeng hjartegode unge menneske med profesjonell innstilling, og eg har fått vera med på ein prosess som eg trur har gjort meg litt klokare.

No er det din tur.

Godt møte!
Eldgrim Springgard
regissør

Takk frå teaterlaget

Per Egil Kolsrud — Fri, 13 Mar 2009 21:30:19 +0000

Både med Frysepulveret i 2005, Den syngende Frk. Detektiv i 2006 og Haugarock i 2007.

Styret har denne gongen vore prosjektgruppe. Takk til Ål kommune og våre gode sponsorar! Takk til gode krefter i laget for stor innsats.

Og ein stor takk til Eldgrim Springgard som har vore regissør og leia alle øvingane. Også denne gongen er det ungdomane i laget som står i sentrum på scena.

Me håpar publikum får ei oppleving til ettertanke.

Leveld Teaterlag
Per Egil Kolsrud
Leiar

Haugarockfest laurdag 29. mars

Erlend Hagen — Mon, 11 Feb 2008 09:55:27 +0000

Festen vert laurdag 29. mars og ikkje 1. mars som tidlegare annonsert. Festen vert på Leveldtun. Meir informasjon kjem seinare.

Haugarock er historie

Embrik Luksengard — Sun, 18 Nov 2007 23:37:01 +0000

Også den siste kvelden vart Ål kulturhus så å seie fylt opp. Frå tysdag 13. til måndag 19. november er Haugarock spelt ti gonger.

Åtte fulle husMed bortimot fulle hus kvar kveld har 2900 sett eventyret om Ola Bakrang og Huldre-Guri i løpetav ei snau veke. Det er Leveld Teaterlag strålande fornøgd med.- Det er overveldande. Og me har berre fått godord. Det varmar veldig, seier forfattar og regissør, Eldgrim H. Springgard.- Ein går alltid med ei usikkerheit før ein slepper ein slik produksjon. Korleis vil publikum ta imot oppsetjinga?Når ein får positive tilbakemeldingar, blir ein veldig letta, legg han til.På skinnerSpringgard synest det har vore ei utruleg veke, der alt faktisk har gått på skinner.- Når det er så mange involverte, og så mange ting som må stemme, er det moronår alt fungerer. Det betyr at det er flinke folk i alle ledd, seier Springgard.- Og tysdag skal de berre kvile?- Då startar nedriggen!

Ordføraren overrekte blomar

Embrik Luksengard — Sun, 18 Nov 2007 23:25:16 +0000

- Det er ein fantastisk dugnadsinnsats som ligg bak Haugarock. De er både kulturarbeidarar og ungdomsarbeidarar. Med Haugarock har de ikkje berre sett Ål kulturhus på kartet. De har også sett Ål på kartet, sa Torleif T. Dalseide og gav ein bukett blomar til leiar i Leveld Teaterlag, Per Egil Kolsrud.

Omdømmebygging
Dalseide la til at Ål kommune har starta eit prosjekt med omdømmebygging. Haugarock, og den enorme mottakelsen forestillinga har fått, er omdømmebygging av beste slag.
- De har skapt positiv omdømme av Ål, sa han.

Fire fulle hus
Overrekkinga skjedde i Trugeholu der dei 70-80 involverte i Haugarock lada opp mellom dei to forestillingar med eit måltid. Både laurdag og sundag gjekk Haugarock for fulle hus, med to forestillingar kvar dag. Ordføraren var på den fyrste framsyninga sundag, og gav tydeleg uttrykk for begeistring.
- Når siste forestillinga er unnagjort måndag kveld, kan de setje dykk ned og vera stolte, sa han.